ജര്മനിയില് ചാന്സലര് ആഞ്ജല മെര്ക്കല് മൂന്നാംവട്ടവും അധികാരത്തിലേക്ക്. പാര്ലമെന്റായ ബുണ്ടെസ്റ്റാഗയിലേക്ക് നടന്ന തിരഞ്ഞെടുപ്പില് മെര്ക്കലിന്റെ ക്രിസ്റ്റ്യന് ഡെമോക്രാറ്റിക് പാര്ട്ടി (സി.ഡി.യു.) മികച്ച പ്രകടനം കാഴ്ചവെച്ചു. ഭൂരിപക്ഷത്തിന് അഞ്ച് സീറ്റ് മാത്രം കുറവുള്ള അവര് മറ്റ് കക്ഷികളുടെ സഹായത്തോടെ അധികാരത്തിലെത്തും.
1990-ല് രാജ്യത്തിന്റെ പുനരേകീകരണത്തിനുശേഷം സി.ഡി.യു.വിന്റെ വലിയ തിരഞ്ഞെടുപ്പ് വിജയമാണിത്. യൂറോപ്പിലെ ഏറ്റവും കരുത്തുറ്റ വനിതയായി മാറിയ മെര്ക്കലിന്റെ (59) വ്യക്തിപരമായ വിജയവും.
630 അംഗ പാര്ലമെന്റില് സി.ഡി.യു.വിന് ലഭിച്ചത് 311 സീറ്റാണ്. മധ്യ- ഇടതുപക്ഷമായ സോഷ്യല് ഡെമോക്രാറ്റിക് പാര്ട്ടിക്ക് (എസ്.പി.ഡി.) 192-ഉം ഇടതുപാര്ട്ടികള്ക്ക് 64-ഉം ഗ്രീന് പാര്ട്ടിക്ക് 63-ഉം സീറ്റുകള് ലഭിച്ചു. പഴയ കൂട്ടാളികളായ എസ്.പി.ഡി.യുമായി മെര്ക്കല് സഖ്യത്തിലാവും എന്നാണ് സൂചനകള്. മെര്ക്കല് 2005-ല് ആദ്യം ചാന്സലറായപ്പോള് എസ്.പി.ഡി.യുമൊത്താണ് ഭരിച്ചത്.