തോട്ടശ്ശേരിഅറ പേങ്ങാട്ടുകുന്ന് ഭാഗത്ത് ഗുഡ്സ്ഓട്ടോ മറിഞ്ഞ് അഞ്ചുപേര്ക്ക് പരിക്കേറ്റു. മൂന്നുപേരെ കോഴിക്കോട് മെഡിക്കല്കോളേജ് ആസ്പത്രിയിലും രണ്ടുപേരെ തിരൂരങ്ങാടി ആസ്പത്രിയിലും പ്രവേശിപ്പിച്ചു. പൊരിയങ്ങില് സുബ്രഹ്മണ്യന്റെ മകന് വൈഷ്ണവ് (13), സുബ്രഹ്മണ്യന്റെ മകന് രാഹുല് (16), നെച്ചിപറമ്പ് രാജന്റെ മകന് ശ്രീജിത്ത് (13) എന്നിവരാണ് മെഡിക്കല് കോളേജ് ആസ്പത്രിയിലുള്ളത്.
ആത്തംപുറ നാഡികുട്ടിയുടെ മകന് വിനോദ് (20), നാറാണത്ത് സുബ്രഹ്മണ്യന്റെ മകന് വിഷ്ണു (16) എന്നിവരാണ് തിരൂരങ്ങാടി ആസ്പത്രിയിലുള്ളത്.